En aragonés: «A los equipos directivos, marguina posible» (Heraldo Escolar)

Un zentro educativo ubre las suyas puertas cada día a un mundo en o qual cada vegada ye menos cierta la certeza. Y hue, primer día d’o Curso d’os Mil Adchectivos, menos que nunca. Los mayestros y mayestras recibimos en as nuestras aulas milars de vidas solas. Las familias entregamos lo mas preciau, lo mas amau. Confiadas en a labor y lo compromiso d’o profesorado.

Quan ixe inte s’haiga produciu hue en cada centro i habrá habiu tres (u mas, seguntes los casos) personas que entre uns segundos habrán mirau en o suyo interior. S’habrán preguntau si tot ye bien (hue mas que nunca), si cada decisión presa ha aportau la solución adequada (hue, decimos, mas que nunca). Y si cada pregunta ha trobau la respuesta requerida (hue, escribimos, mas que nunca). Charramos, sí, d’os equipos directivos.

Estes meses, semanas y días (con as suyas nueitz de blanca inquietut) ixes equipos humans en muitas ocasions modestament consideraus han tornau a contrimostrar que tot y con sufrir la desmotivación que anyaden las dificultatz son una una columna substancial d’o nuestro sistema.

Estes equipos los forman personas que se deixan l’alma pa estar capaces d’analisar situacions; pa afrontar problemas; pa chestionar conflictos; pa liderar procesos de transformación educativa; pa atender con amor y compromiso a las familias; pa establir obchectivos; pa aprofitar recursos; pa acompasar tiempos; pa acullir a lo viajero; pa confortar a lo qual sufre y pa estar igual con os suyos iguals. Y tot ixo hue, mas que nunca.

Ah! Y recordar-se a ell mesmas, a ell mesmos que, enmeyo de semellant laberinto, siempre serán lo que querioron estar: mayestros, mayestras. Ye un tiempo achitau, de riscos imposibles, de olas incalculadas. Ye tiempo de reconoixencia incondicional a los nuestros equipos directivos. La sociedat a la quala sirven ha de colaborar a ixo.

Deja una respuesta

Tu dirección de correo electrónico no será publicada. Los campos obligatorios están marcados con *