En aragonés: «Aprender d’os millors» (Heraldo Escolar)

Esta semana s’ha chubilau José Ramón Olalla, companyero interminable. D’ell, con ell i habría muito que charrar. Como de tantos y tantas que han deixau la suya mochila a lo canto d’o camín pa que los que encara caminamos buscando-nos repleguemos lo suyo legado.

Siempre m’ha intresau ye aprender d’os nuestros mayors. Y de qui troboron en a pedagochía lo sentiu d’a suya vida. He procurau estar a lo suyo costau pa conoixer-los y de totz ells m’han plegau parolas fundas.

En o mío caso quiero nombrar a Antonio M., Ángel G., Salva L., José Daniel G., Alfonso C., Gonzalo H., Manuel P., Palmira M., José María P., José Manuel U., Alicia P., Salva B., Antonio P.. Maribel M., Araceli S., Carmelo M., Ángeles, P. y a totz aquells que han estau las mías mayestras, los míos mayestros y no me cullen en l’alma, tal ye lo numero.

Per ixo digo a los chovens docents, ixes que siempre fan d’a generosidad lo suyo norte, que los que nos han precediu son imprescindibles. Y me fería goyo transmitir-les que ye muito necesario saber d’án venimos, pa saber a án imos.

Conoixcamos la suya vida, la suya obra, la suya testimonio. Los suyos libros nos asperan y disposamos d’as seductoras entrevistas de Víctor Juan pa comprender millor lo mundo a traviés d’os suyos relatos vitals. Y descubramos textos sabios como este, luz entre tinieblas: “Intentamos aproximarnos a l’ideyal d’amostrar chugando, d’educar fendo y somos escribindo chuegos y procedimientos movius que, con o tiempo y la experiencia, pleguen a formar tot un sistema. (…) Lo chuego ye la sola asignatura d’o nino dica los 5 anyos; la prencipal d’os 6 a los 9; la indispensable d’os 10 a los 14, y la mas saludable y hichienica dica los 21 anyos y lo educador que d’ella no s’ocupe ni preocupe, no sabe ni vale pa educar”. Escuitau en un moderno «webinar»? No: leyiu en “Lo mayestro mirando enta adintro”, d’Andrés Manjón (1923)

(Este articlo lo escribí en castellán en Heraldo Escolar lo siet d’octubre de 2020)

Deja una respuesta

Tu dirección de correo electrónico no será publicada. Los campos obligatorios están marcados con *