Lo infinito en un documento (Heraldo Escolar) Foto: Jaime Perpinyà

“A burocrazia nos afoga”. Qué dozén no ha feito ista afirmazión en bella ocasión? Ye mui fazil adubir l’aplauso cuan dezimos isto y bien, d’alcuerdo: ye verdat. Cumplimentar documentazión ye una pesada carga que asumimos con enueyo y que nos supone un esfuerzo, dezimos, que podríanos emplegar en causas más nobles.

Qué pensaríanos si atros profesionals informasen a los suyos colegas de viva voz y no i ese constanzia d’as suyas azions? No ye azeptable sepultar a los dozens con toneladas de desichenzias documentals, pero tampoco admite muito recorriu quejarnos debán de cualsequier requerimiento, por mui razonable que pueda estar. En o punto meyo, alavez.

Proclamo a mía fe en o compromiso, o treballo y o esfuerzo común, d’o mesmo modo que espreso o mío eszeptizismo debán de a improvisazión, a desinformazión y a dexadez.

Documentar a nuestra practica educativa ye una forma de dixar constanzia d’os nuestros actos, d’asegurar que somos fiables y responsables. D’evitar a sospeita.

Tamién ye un camino que nos aduya a creyer en o que femos y contribuye a vivir en a zerteza. Aporta seguranza a la nuestra fayena y fortalexe as nuestras dezisions, pus as palabras l’escrito permanexe. En iste caso, pa bien.

Ah! Y a falta de rigor. U s’ha esplicau regular u s’ha entendiu no guaire bien, pero sigue abendo masiadas dudas entre o colectivo dozén, que no acaba de fer suya una filosofía que nos pareixe que a vezes contradiz bellas linias metodolochicas.

Conviene que o profesorado se forme en o maneyo d’a documentazión como parte importán d’a nuestra profesión, propiziando ferramientas utils y millorando en a chestión d’o tiempo. Y sobre tot en isto zaguero, pus creigo que ye un aspecto manifestamén millorable, cual millor maneyo nos aduyaría a estar más efiziens. Y millorar o nuestro bienestar.

Deja una respuesta

Tu dirección de correo electrónico no será publicada. Los campos obligatorios están marcados con *

Previous post Comunidades cuidadoras (Heraldo Escolar) Foto: Jaime Perpinyà
Next post Competenzias y aprendizache colectiu (Heraldo Escolar) Foto: Jaime Perpinyà
Close

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies