Lo clima escolar. Ascuito estas parolas y pienso en as personas, seres que trascienden la norma. Qué importants aquels que contribuyen a amillorar ixa atmosfera necesaria. Y me digo que en ixe aniello cal engarzar cualques piedras.
La primera, un prochecto educativo quiesto per la comunidat. Unatra, la cercanía. Cuanto mas proximas las personas, mas luen la dificultat. La tercera, convivir con o contraste d’ideyas, mesmo de prochectos vitals. Y comunicar, pus aporta intención d’estar, deseyo de compartir en común.
Plega lo momento d’acompanyar-nos de l’alcuerdo, pus aduya a creixer y a puyar peldaños en a construcción d’un esprito de comunidat.
Pisamos Territorio Calma. Saboriar la conversación sin actas, contemplar lo silencio de l’aula, asombrarnos con o escubrimiento interior, descubrir expresions artisticas. Navegamos per la reivindicación d’a escuela libre, narradora d’a nuestra vida, la que aprende d’os diarios d’os grans mayestros. Per querer estar poetas de verso diario dinantes que lechisladors de prosa anyal. Millor que redactar propositos, relatar la vida.
Buscamos l’interés per l’atro, lo momento pa ascuitar. Creyemos en crear un ambient calido, en aconseguir que l’afecto y lo respecto sían leyals companyers de viache. No nos preguntemos qué puede fer lo centro per yo; preguntemo-nos qué podemos fer nusatros per lo centro.
Perque somos convencius que esta escuela nuestra se mereixe complir lo soneyo d’un verdadero cambio climatico escolar.
