Fa uns días un choven de vinte anyos me contó que en 2º de Bachillerato, en clase d’historia, abordoron lo periodo que iba dende 1978 dica los nuestros días. La lectura d’un paragrafo de cuatro linias estió pro, perque “no daba tiempo a rematar lo temario”.
Se avecinan meses en os cuals lo publico va a estar protagonista. Charro d’eslecions. Un panorama civico debant d’o cual nuestro alumnado, lo que ya puede votar y lo que lo ferá en o futuro, ye uerfano d’una educación democratica de calidat. En muitos casos, m’he informau, los nuestros mocez y mocetas desconoixen los mecanismos d’a democracia: cómo funciona lo nuestro sistema electoral (lei D’Hondt), cómo se tría a lo president d’o gubierno, qué ye un districto electoral u la diferencia entre mayoría absoluta, simpla u cualificada. Per eixemplo.
Bien, tenemos un problema. Y preocupant si no cheneramos una estructura que s’encargue d’educar a la futura ciudadanía en o “respecto a los prencipios democraticos de convivencia y a los dreitos y libertaz fundamentals” (Constitución Espanyola, art. 27.2).
Talment un exceso de prudencia impida a lo profesorado profundizar en o conoixencia d’o funcionamiento de l’edificio democratico, pero ye tiempo pa lo compromiso. Y la parola.
L’escribié fa cuatro anyos. Denzel Washington en “The great debaters” expresa: “Lo debat ye un combate, pero los suyos armas son las parolas”. Entreguemos a lo nuestro alumnado tan preciau tesoro. Sisquiera la tuya razón pueda estar un día la mía razón.
Acerca del autor
