O video nos ha acompañau a yo y a l’alumnado que he teniu a fortuna de trobar a lo largo de trenta y dos años de presenzia en l’aula. En Illueca, en o CEIP «Benedicto XIII»; en Movera, en o CEIP “Pedro Orós”; en Alcorisa, en o CEIP “O Chustizia d’Aragón”, y en zagueras en Zaragoza, en o CEIP “Catalina d’Aragón”, os MMAAVV han estau presens en o mío día a día.
A meyaus d’os 80, cuan yera inusual que una cambra asomase l’obchetivo por a esquina d’a escuela, un colectivo de dozens entusiastas descubrimos que disposabanos d’una ferramienta que contribuyiba a que l’alumnado entendese millor a soziedat y les permitiba estar protagonistas d’o suyo prozeso educativo.
Uei sabemos que a elaborazión de productos que naxen d’o suyo aprendizache (reportaches, columbradas, documentals, videoclips mosicals u notiziarios sobre l’actualidat escolar y local) propizia a creyazión de poemas cual versos escriben con lapizes de fotogramas y boligrafos con onda. A lo mesmo tiempo, as suyas ideas y emozions conviven con a luz de cada palabra que amana o zentro a las familias, que lo conoxen y lo quieren porque o resultau ye un espiello en o cual reflexamos o nuestro corazón y voluntat d’estar comunidat.
Precuremos que o nuestro alumnado desfrute espresando-se y comunicando; que descubra a vida a traviés d’a suya creyatividat y sigan actors d’o suyo aprendizache y exploradores d’a conoixenzia. Que ubran, en fin, a finestra d’o mundo y reconten o suyo particular viache a Ítaca, ixe que deseyamos que nunca acabe.
Acerca del autor
