En aragonés: «Un puesto en o mundo» (Heraldo escolar)

Fablo con a mía chen sobre a escuela y somos d’alcuerdo en que fa falta cambiar a educazión. U millor: que cal cambiar en educazión.

A mía chen y yo creyemos que o debate ye nezesario, que en él partizipen toz y que ha de tener un sentiu de permanenzia.

Si femos una lista de temas importans muitos consonamos a lo menos en dos: o/o “esito” escolar y a inclusión. Y añado una terzera, substanzial: a construzión d’equipos umanos/umans solius con vocazión de comunidat.

Ye zierto que o cambio, a evoluzión en educazión ye un prozeso diario. Tamién ye zierto que España conta con un colectivo dozén mui comprometiu y altamén cualificau. D’ixo podemos sentir-nos mui orgullosos. Porque o profesorado ye treballando muito y bien allá an puede actuar. Manimenos, consideremos como cuestión estructural imprescindible pa adubir una verdadera transformazión que o cambio l’ha de promover a comunidat, entendida como un proyeuto común en o cual partizipan toz os sectors y achens. Os dozens, un a una, no pueden redibujar os paisaches.

Allá an s’entienda que a educazión ye una interpresa colaborativa y que os verdaders cambios se produzen dende abaixo, i hai más posibilidaz que se produzcan. Porque no se crexer a truco de lei, ni a pur d’heroico esfuerzos individuals. Asumamos-lo os protagonistas, pa afrontar un espolón que entiendo nuclear: comprender y creyer-nos que emos d’aliar-nos con os achens prosimos, chenerar una comunicazión fertil con os entornos, construyir proyeutos deseyaus y cautivar a cultura d’o cudiau. Ixo ya lo fan muitos zentros educativos, como por exemplo o CEIP Ramiro Solans, nueva escuela Changemaker, comunidat constructora de días goyosos, conductora de suenios embastaus.

Lo diz o personache de Luppi, o senzillo mayestro d’a zinta d’Aristarain: “Si aprendioron muito u poco, no importa; aprendioron a pensar y convivir, y ixo ye o que vale”. Sí, ye lo unico que vale.

Deja una respuesta

Tu dirección de correo electrónico no será publicada. Los campos obligatorios están marcados con *