En aragonés: Hue fa 35 anyos que tot empezipió

En 1985, fa 35 anyos, Espanya sinyó la suya adhesión a la CEE y s’aprebó la Lei de l’aborto. Los mocetz de Plan organizoron una “caravana de mullers”, l’auto mas vendiu estió lo Renault 11, la Liga la ganó lo FC Barcelona y s’engueró “Torno a lo futuro”. Un mayestro, una mayestra d’EGB con oposicions recientment aprebadas (no i heba interinos en muitos puestos) cobraba 82.000 ptas (494 €) y un litro de benzina costaba 93 pecetas. En 1985 la vida yera tant limpia y sincera como hue. En 1985, digo, escribo, lo futuro se presentaba tant amplo y incierto como siempre.

Hue, 1 de setiembre de 2020, fa 35 anyos que prencipió la mía corrida profesional. Estió en Calahorra. Aquell luminoso día plegué a lo Colechio Publico “Quintiliano”, an me recibió lo suyo director. Se deciba José Mari. Teneba, per decir, 35 anyos y lo colechio que endrezaba heba estau feito a devantadera tant solo feba dos anyos. Yera, pus, un centro choven y vigoroso. Como yo, con os míos 23 agostos recientment cumplius.

Allí aprendié la primera gran lición, pus ixa mesma tarde lo mencionau director y la suya esposa me convidoron a prener un café en una terraza y m’amostroron la ciudat. La suya calida acullida m’aduyó a comprender que en a vida que encetaba alavez habría de tener cullida una valor que he cautivau dende alavez: l’atención, la companyía, la cercanía enta los míos iguals. Y en os suyos laderas sigo replegando lo fruto d’o mío compromiso. Con totas vusatras, con totz vusatros.

Deja una respuesta

Tu dirección de correo electrónico no será publicada. Los campos obligatorios están marcados con *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies