Machuca (Heraldo Escolar)

(Publicau en Heraldo Escolar o mierques, 12 de chinero de 2021)

O 10 de chinero de 2006 o recordau y quiesto Michel Vallés m’entrevistó en o periodico “A Comarca”. Estió una conversazión calida y amable, como yera él, y memoria que me preguntó: “Con cuál de las reformas de lei educativa se queda?”, a lo que respondié: “Con a cuala conzite l’alcuerdo d’a inmensa mayoría”. Estió a respuesta de belún que alavez creyeba que caleba creyer y que treballar por o bien común merexeba tanto a pena.

Uei, quinze años dimpués, me sigo preguntando lo mesmo y a respuesta no ha variau. Como no ha variau o debate en a nuestra soziedat cuan se sigue metendo o foco en asuntos que no son substanzials pero se consegue que lo pareixcan. Por exemplo, a libertat d’eslezión.

Fa cualques años, en 2012, en un documento titulado “Equidat y calidat d’a educazión: Refirme a estudians y escuelas en desventalla” se podeba leyer: “Proporzionar plena libertat d’eslezión d’escuela a los pais puede resultar en segregazión seguntes competenzias academicas y entornos sozioeconomicos, y chenerar mayors desigualdades en os sistemas educativos. (…) Con a finalidat d’asegurar equilibrio, tamién pueden establir-se inzentivos ta que os estudians en desventalla sían atrautivos pa las escuelas d’alta calidat, limites a los criterios de selezión d’as escuelas (…)”. L’organismo que publicó iste documento yera a OCDE.

En Chile, a primers d’os 70, o colechio Saint George vivió un esperimento sozial de gran intrés. André Wood lo debuxó machistralmén en a suya zinta “Machuca”, en a cuala se narra cómo s’intentó incorporar a estudians de baxa estrazión sozial ta que s’integrasen en un zentro de clase meya-alta. O director d’o zentro, Gerardo Whelan, defendió a idea con l’alma dica que se la trencó a Istoria. O que dengún crebó estió a suya voluntat por defender a igualdat y a paz.

Uei, quinze años dimpués, muitos seguimos pensando que a educazión merexe debates más ricos y saludables. Más esperanzadors.

Deja una respuesta

Tu dirección de correo electrónico no será publicada. Los campos obligatorios están marcados con *

Previous post El gran debate (Heraldo Escolar)
Next post Dueña de su destino (Heraldo Escolar)

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies