En aragonés: Dueña d’o suyo destín (Heraldo escolar)

Spread the love

Conoxié a una muller. Se deziba Ella Bishop. Yera una muller con más pasau que futuro. Me contó que eba estau mayestra en o suyo lugar y que en repasar a suya vida se dio cuenta que l’eba sacrificau tot pa aduyar a que a suya alumnado alcanzase a libertat que ella no tenió y os conoixenzias que no toz poseye. Manimenos, dizió, a suya vida yera una istoria de renunzias, afogada por una soziedat represora y inchusta. Y tot ixo lo sabié a traviés d’a zinta “Dueña d’o suyo destín” que endrezó Tay Garnett en 1941, un omenache a las pioneras d’a educazión universitaria en EEUU.

Uitanta años dimpués vivimos agún en una soziedat cual zeños patriarcals imposan comportamientos que minusvaloran a las mullers dende edaz tempranas. Por ixo nos convidamos a seguir crexer como soziedat. Y podemos fer-lo dende l’aula si nos endrezamos a l’alumnado con respeto y fuyimos d’estereotipos de chenero. Si revisamos as nuestras actituz respective a a importanzia que le damos a l’aspecto fisico. Si afavorimos l’aduya entre iguals.

Si utilizamos un parlache inclusivo y respetuoso con as familias. Si ofrexemos referens diversos de mullers y ombres. Si nos amostramos como modelos cuan mayestras y mayestros compartimos fayenas sin chenero. Si realizamos un reparto equitativo de fayenas en l’aula entre ninos y ninas. Si propiziamos puestos acullidors que afavoreixen a interazión y a esprisión d’emozions. Si visibilizamos as fayenas de cudiaus por parte no nomás d’as ninas en tiempo d’azogue. Si abordamos a sexualidat de manera positiva y natural en l’aula, dando-les seguranza y autoestima.

Si contemplamos a diversidat familiar apoyando-nos en os modelos zercanos. Si promovemos a cooperazión en l’aula y en a chestión d’o grupo. Si precuramos que totas as personas tiengan a oportunidat d’aduyar. Si promovemos a libertat pa sentir y espresar emozions. Y ixo dinantes, entre y dimpués de toz os #8M d’o mundo. Cal siñar-lo?

Deja una respuesta

Tu dirección de correo electrónico no será publicada. Los campos obligatorios están marcados con *