Emprender, creixer en plural (Heraldo Escolar) Foto: Jaime Perpinyà

Una iniciativa educativa aconsigue l’horizont cuan fa posible que cada centro faiga una interpretación proxima a la suya realidat. Tamién cuan propicia que la comunidat realice una lectura propia d’o estar y estar.

En muitos centros habitan dinamicas que permiten lo creiximiento d’os suyos miembros a lo amparo de cuatro ideyas. La exploración y conoixencia de l’entorno, la creyación d’un prochecto común, lo desembolique d’una ideya a modo de respuesta, y la comunicación con a comunidat.

La competencia emprendedora connecta con l’ambito d’a utilidat social y lo buenpasar d’a comunidat. Este discurso l’escribe la escuela con paragrafos que charran, como nos amuestran M. Masgrau, A. Forasté y S. Cros, de personas que aprenden lo que ye “participar d’asociacions y organizacions no gubernamentals y aduyar a levar adebant prochectos transformadors (emprendedores socials)”; lo que suposa “crear y meter en practica iniciativas de millora y innovación (intraemprendedores)”; lo que significa “plegar a estar como aquel artista, disenyador u inventor que cree en a valor d’as suyas obras y fa lo posible pa que pleguen a lo publico”.

Y d’ixo en Aragón sabemos, pus existe un ecosistema, per nombre “Aprendendo a emprender”, en o cual cientos de mocez y mocetas nos convencen anyo dimpués d’anyo con o suyo treballo y esfuerzo que la implementación d’o  emprendimiento en a escuela contribuye decisivament a la transformación educativa. Ixa utopía que ye horizont inalcanzable y que la suya sola finalidat ye convidar-nos a caminar.