En o universo educativo la lectura y la escritura actúan como velas que replegan la urchencia d’explorar pa trobar-nos a nusatros mesmos. Diz Daniel Pennac en “Como una novela” que “leyer” y “amar” son verbos que no admiten l’imperativo. Convido a qui esto leiga a aturar-nos en esta reflexión pa asinas poder coincidir con Hernán Casciari cuan afirma: “La pasión per escribir y la excelencia en fer-lo s’alimentan solament escribindo”.
En l’aula trobamos las razons que nos aduyan a amanar a lo nuestro alumnado l’enfoque d’o “pa qué leyer y escribir” y vincular, asinas, lo feito literario con as suyas necesidaz.
En este momento nos femos la pregunta: Qué literatura queremos amostrar y cómo queremos amostrar-la? La respuesta tiene un perfil humanista si consideramos la riqueza que suposa disposar d’as parolas pa dar-le sentiu a lo que vivimos. Per ixo la literatura ye tan valurosa.
Son multiples las experiencias educativas aluenyadas d’a imposición de lecturas y la fiscalización que pretende, con un examen, comprebar si s’ha leyiu un libro, como si ixo estase la vasija plena d’oro a la fin d’o arco iris. Accions que contrimuestran que amamos la literatura perque ye una experiencia social, perque creyemos que l’acto de leyer tiene un sentiu fundament comunitario. Compartir lo que se leye ye, hue, un acto valient perque arredol d’un texto se desenvuelte lo sentiu de pertenencia a una sociedat masiau afecta a l’isolamiento. La parola, alavez.
Acerca del autor
